एन्फाका वरिष्ठ उपाध्यक्ष खड्का आगामी साधारण सभासम्मका लागि निलम्बन
अखिल नेपाल फुटबल संघ (एन्फा) का वरिष्ठ उपाध्यक्ष वीरबहादुर खड्का निलम्बनमा परेका छन् ।
शुक्रबार बसेको एन्फाको आकस्मिक कार्यसमिति बैठकले खड्कालाई आगामी साधारण सभासम्मका लागि निलम्बन गर्ने निर्णय गरेको हो ।
कार्यवाहक अध्यक्षको जिम्मेवारीमा रहँदा खड्काले करिब दुई साताअघि एन्फाका महासचिव किरण राईलाई पदबाट निलम्बन गरेका थिए ।
त्यसपछि शुक्रबार राईले नै वरिष्ठ उपाध्यक्ष खड्कामाथि अनुशासनसम्बन्धी कारबाही गर्ने एजेन्डासहित दिउँसो १ बजे आकस्मिक बैठक आह्वान गरेका थिए ।
उक्त बैठकले एन्फाको विधानको धारा ३८ को १४ अनुसार खड्कालाई निलम्बन गर्ने निर्णय गरेको एन्फाले जानकारी दिएको छ ।
प्रकाशित मिति: शुक्रबार, कात्तिक १४, २०८२ १५:४९
प्रतिक्रिया दिनुहोस्
साताको लोकप्रीय
_AYZwJBlPWp-1761894915.jpg)
