नेपाली कम्युनिस्ट पार्टीले आज धनगढीमा सन्देश सभा गर्ने भएको छ । नेपाली कम्युनिस्ट पार्टी गठनपछि पहिलोपटकप्रदेशस्तरीय सन्देश सभा गर्ने भएको हो । 

सभामा पार्टीका संयोजक पुष्पकमल दाहाल प्रचण्ड, सहसंयोजक माधवकुमार नेपाल, नेता भीम रावललगायतले सम्बोधन गर्ने कार्यक्रम छ ।

सभाको तयारीका लागि एक सातादेखि नै नेता भीम रावल धनगढीमै छन् । एकता सभामा सहभागी हुने तत्कालीन माओवादी केन्द्र र एकीकृत समाजवादीका नौ वटै जिल्लाका नेता, कार्यकर्ता धनगढी पुगेका छन् ।

पार्टीले लुम्बिनीको देउखुरीमा मङ्सिर १३ गते, गण्डकीको पोखरामा मङ्सिर १४ गते, कोशीको विराटनगरमा मङ्सिर १५ गते सभा गर्नेछ ।

साथै कर्णालीको सुर्खेतमा मङ्सिर १८ गते, मधेशको जनकपुरमा मङ्सिर २० गते र बागमतीको हेटौँडामा मङ्सिर २३ गते सभाको तयारी गरेको छ ।