नेपाली बजारमा बुधबार सुनको मूल्य घटेको छ ।  

लगातार बढिरहेको सुनको मूल्य यसदिन प्रतितोला २१ सय रुपैयाँ घटेको हो । 

बुधबार सुन प्रतितोला दुई लाख ४४  हजार तीन सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।  

मंगलबार सुन प्रतितोला दुई लाख ४६ हजार चार सय रूपैयाँमा कारोबार भएको थियो । 

अन्तर्राष्ट्रिय बजारमा बुधबार सुन प्रतिऔंस चार हजार एक सय आठ अमेरिकी डलरमा कारोबार भइरहेको छ ।

त्यस्तै, स्थानीय बजारमा बुधबार चाँदीको मूल्य भने बढेको छ ।

अघिल्लो दिनको तुलनामा बुधबार चाँदी प्रतितोला पाँच रूपैयाँले मूल्य बढेर तीन हजार एक सय ७५ रूपैयाँमा कारोबार भइरहेको हो ।