स्थानीय बजारमा आइतबार(आज) सुनको मूल्य घटेको छ भने चाँदीको मूल्य बढेको छ । 

नेपाल सुनचाँदी व्यवसायी महासंघका अनुसार शुक्रबारको तुलनामा आज आइतबार सुन प्रतितोला सात सय रूपैयाँले घटेको हो ।

शुक्रबार प्रतितोला २ लाख १५ हजार ८ सय रूपैयाँमा कारोबार भएको सुन आइतबार प्रतितोला २ लाख १५ हजार एक सय रूपैयाँमा कारोबार भइरहेको छ ।

त्यस्तै, आइतबार चाँदी प्रतितोला पाँच रूपैयाँले बढेको छ । 

शुक्रबार प्रतितोला दुई हजार पाँच सय ६५ रूपैयाँ कारोबार भएको चाँदी आइतबार तोलाको दुई हजार पाँच सय ७० रूपैयाँमा कारोबार भइरहेको छ ।

अन्तराष्ट्रिय बजारमा आज सुन प्रतिऔंस ३६ सय ४३ अमेरिकी डलरमा कारोबार भइरहेको छ ।