नेपाली बजारमा आज (शुक्रबार) सुनको मूल्य थप बढेको छ । 

नेपाल सुनचाँदी व्यवसायी महासंघका अनुसार बिहीबार प्रतितोला दुई लाख सात हजार ९ सय रूपैयाँमा कारोबार सुन शुक्रबार दुई लाख १० हजार ४ सय रूपैयाँ पुगेको छ ।

बिहीबार स्थिर रहेको सुनको मूल्य शुक्रबार प्रतितोला २५ सय रूपैयाँले बढेको हो ।  

त्यस्तै, बिहीबार २४ सय ८० रूपैयाँमा कारोबार भएको चाँदी शुक्रबार २४ सय ९० रूपैयाँमा  कारोबार भएको छ ।शुक्रबार चाँदीको मूल्य पनि प्रतितोला दश रूपैयाँले बढेको छ । 

अन्तर्राष्ट्रिय बजारमा आज सुन प्रतिऔंस ३५ सय ५७ अमेरिकी डलरमा कारोबार भइरहेको छ ।