दसैंका लागि नेपाल राष्ट्र बैंकले सुकिला नोट उपलब्ध गराउने भएको छ ।
राष्ट्र बैंकले आइतबार सूचना निकालेर भदौ २९ गतेदेखि असोज १० गतेसम्म सुकिला नोट सटही गरिने उल्लेख गरेको छ । असोज १६ गते दशैँको टीकालाई लक्षित गर्दै राष्ट्र बैंकले नयाँ तथा सुकिला नोट साट्ने भएको हो ।
राष्ट्र बैंकको मुद्रा व्यवस्थापन विभाग थापाथली, प्रदेशस्थित कार्यालयहरू विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढीस्थित कार्यालयबाट सुकिला नोट सटही गर्न सकिनेछ ।
त्यसैगरि राष्ट्र बैंकबाट इजाजत प्राप्त क, ख र ग वर्षका बैंक तथा वित्तीय संस्थाका शाखा कार्यालयहरुमा पनि सर्वसाधारण तथा वित्तीय संघसंस्थाले यस्तो सुविधा प्राप्त गर्ने राष्ट्र बैंकलेले जारी गरेको सूचनामा उल्लेख छ ।
दसैंका बेला राष्ट्र बैंकले नयाँ नोट सटही गर्ने भए पनि विगत केही वर्षदेखि भने सुकिला नोटमात्रै सटही गर्दै आएको छ ।
