NRN
प्रतितोला ३ हजारले बढ्यो आइतबार सुनको मूल्य

साताको पहिलो कारोबार दिन आर्थात आज (आइतबार) नेपाली बजारमा सुनको मूल्य थप बढेको छ ।

नेपाल सुनचाँदी व्यवसायी महासंघका अनुसार आइतबार सुन प्रतितोला दुई लाख तीन हजार ६ सय रूपैयाँमा कारोबार भइरहेको छ । गत साता शुक्रबार सुन प्रतितोला दुई लाख ६ सय रूपैयाँमा कारोबार भइरहेको थियो । 

अघिल्लो दिनको कारोबारको तुलनामा आज सुन प्रतितोला तीन हजार रूपैयाँले वृद्धि भएको महासंघले जनाएको छ । सुनको मूल्य हालसम्मकै उच्च हो । 

त्यस्तै, शुक्रबार चाँदीको मूल्य पनि प्रतितोला ६५ रूपैयाँले बढेको छ । 

महासंघका अनुसार शुक्रबार २३ सय ६० रूपैयाँ कारोबार भएको चाँदी आइतबार २४ सय २५ रूपैयाँमा कारोबार भएको हो । 

अन्तर्राष्ट्रिय बजारमा आज सुन प्रतिऔंस ३४ सय ४७ अमेरिकी डलरमा कारोबार भइरहेको छ ।

प्रकाशित मिति: आइतबार, भदौ १५, २०८२  ११:४३
प्रतिक्रिया दिनुहोस्
Weather Update