साताको पहिलो कारोबार दिन अर्थात् आज (आइतबार) स्थानीय बजारमा सुन-चाँदीको मूल्य बढेको छ ।

अघिल्लो दिनको तुलनामा आज प्रतितोला २३ सय रूपैयाँले मूल्य बढेको नेपाल सुनचाँदी व्यवसायी महासंघले जनाएको छ ।

महासंघका अनुसार शुक्रबार प्रतितोला एक लाख ९५ हजार २०० रूपैयाँमा कारोबार भएको सुन आज प्रतितोला एक लाख ९७ हजार ५०० रूपैयाँमा सुनको कारोबार भइरहेको  छ । 

त्यस्तै, महासंघका अनुसार आज एक तोला चाँदीको मूल्य २३ सय ५० रूपैयाँ तोकिएको छ । शुक्रबार प्रतितोला २३ सय १० रूपैयाँमा कारोबार भएको थियो ।

आज अन्तर्राष्ट्रिय बजारमा सुन प्रतिऔंस ३ हजार ३७२ डलर पुगेको छ ।