नेपाली बजारमा नेपाली सुन-चाँदीको मूल्य बढेको छ ।

नेपाल सुनचाँदी व्यवसायी महासंघको तथ्यांक अनुसार अघिल्लो दिनको तुलनामा आज सुन प्रतितोला आठ सय रूपैयाँले बढेको हो । 

महासंघको तथ्यांक अनुसार प्रतितोला एक लाख ९५ हजार पाँच सय रूपैयाँमा कारोबार भएको सुन आज प्रतितोला एक लाख ९६ हजार तीन सय रूपैयाँ पुगेको हो ।

त्यस्तै, आइतबार प्रतितोला २३ सय १० रूपैयाँमा कारोबार भएको चाँदी आज प्रतितोला २३ सय १५ रूपैयाँमा कारोबार भइरहेको छ ।

अघिल्लो दिनको तुलनामा चाँदी प्रतितोला पाँच रूपैयाँले बढेको हो।