मंगलबार नेप्से परिसूचक उच्च अंकले घटेको छ । नेप्से ४१.३५ अंकले घटेर २८३४ विन्दुमा बन्द भएको हो ।
यसदिन कारोबार रकम भने अघिल्लो दिनको तुलनामा घटेको छ । सोमबार १० अर्ब ८२ करोड रूपैयाँको कारोबार भएकोमा मंगलबार नौ अर्ब ३३ करोड रूपैयाँको कारोबार भएको छ ।
अघिल्लो दिनको तुलनामा कारोबार रकममा एक अर्ब ४९ करोड रूपैयाँ कमी आएको हो ।
आज ३२५ वटा धितोपत्रको दुई करोड २२ लाख सात हजार १४२ कित्ता सेयर किनबेच भएको छ । मंगलबार ४६ कम्पनीको सेयर मूल्य बढेको छ भने २०४ वटाको घटेको छ ।
यसदिन समाज र उन्नति सहकार्य लघुवित्तको मूल्य सर्वाधिक १० प्रतिशतका दरले बढेको छ भने थ्री स्टार हाइड्रोपावरको मूल्य सर्वाधिक १० प्रतिशतले घटेको छ ।
यसैगरी, ट्रेड टावरको मूल्य ७.३५ प्रतिशतले घटेको छ ।
मंगलबार हिमालयन रिइन्स्योरेन्सको सर्वाधिक कारोबार भएको छ । सर्वाधिक सेयर खरिद–बिक्री हुने दोस्रो कम्पनीमा ट्रेड टावर रहेको छ ।
आज कारोबारमा आएका १३ वटा समूहगत परिसूचकमध्ये माइक्रोफाइनान्स र म्युचुअल फण्ड समूहको परिसूचक बढेको छ भने ११ समूहको परिसूचक घटेको छ ।
यसदिन अन्य समूहको परिसूचक सर्वाधिक २.७६ प्रतिशतले घटेको छ ।
