गुल्मीको कालिगण्डकी करिडोर सडक पुनः अवरुद्ध
गुल्मीको कालिगण्डकी करिडोर सडक पुनः अवरुद्ध भएको छ ।
आइतबार बिहान कालिगण्डकी गाउँपालिका वडानम्बर–६ बर्लवा तथा वडानम्बर–१ गरगरे क्षेत्रमा चट्टानसहितको पहिरो खसेर सडक पूर्णरूपमा अवरुद्ध भएको हो ।
जिल्ला प्रहरी कार्यालय गुल्मीका अनुसार माथिबाट खसेको पहिरोले सडक पुरिएको छ । जसका कारण सवारी आवागमन ठप्प भएको छ ।
बाटो खुलाउन इलाका प्रहरी चौकी भुर्तुङ गुल्मीबाट प्रहरी सहायक निरीक्षक देवबहादुर भुजेलको नेतृत्वमा प्रहरी टोली खटिएको छ ।
टोलीले सडक खुलाउने कार्यमा पहल थालेको र स्थानीय सरकारसँग समन्वय गरेर पहिरो हटाउने प्रयास भइरहेको छ ।
कालिगण्डकी करिडोर मनसुन सुरु भएसँगै पटक–पटक पहिरोले अवरुद्ध हुँदै आएको छ ।
प्रकाशित मिति: आइतबार, असार २९, २०८२ १४:५६
प्रतिक्रिया दिनुहोस्
साताको लोकप्रीय
