सप्तरीको सुरुङ्गा नगरपालिका -८ मा डाका समुहले प्रहार गरेको गोली लागेर एक जनाको मृत्यु भएको छ । डाका समूहले लुटपाट गर्नुका साथै घरधनी  कन्तलाल चौधरीको हत्या गरेका हुन् ।

प्रहरीले गए राति १ करिब बजे ५/७ जनाको समूहमा रहेका डाकाहरुले चौधरीको हत्या र उनको घरमा लुटपाट गरेको जानकारी दिए ।

धारिलो हतियार र गोली प्रहार गर्दा चौधरीको घटनास्थलमै मृत्यु भएको हो । डाकाहरुकै आक्रमणबाट कन्तलालका भाइ रमाकान्त चौधरी घाइते भएका छन् । चौधरीको उपचार अहिले सिरहाको लहानस्थित प्रादेशिक अस्पतालमा भइरहेको छ ।

चौधरीको घरबाट सुनचाँदीका गरगहना र नगद लुटिएको जनाउँदै प्रहरीले डाकाहरूको खोजी भइरहेको बताएको छ । 

समूहमा पाँचदेखि सात जना रहेको अनुमान स्थानीयवासीले गरेको प्रहरीले बताएको छ ।