गोदावरी नगरपालिका–४, बडिखेलस्थित तपेश्वर सामुदायिक वनमा लागेको डढेलो निभाउने क्रममा घाइते भएका थप एक जनाको मृत्यु भएको छ । कीर्तिपुरस्थित बर्न अस्पतालमा उपचारका क्रममा उनको मृत्यु भएको हो ।

मंगलबार दिउँसो डढेलो निभाउने क्रममा शङ्कर र रमेश पहरी गम्भीर घाइते भएका थिए । डढेलोमा फसेका १५ जनाको मङ्गलबार उद्धार गरिएको थियो ।

घाइते भएका शङ्कर पहरीको भने मङ्गलबार मृत्यु भएको थियो । वनमा लागेको डढेलो अझै नियन्त्रणमा आएको छैन ।

आगो निभाउन नेपाल प्रहरी, नेपाली सेन र सशस्त्र प्रहरी बलको टोली परिचालन भएको गरिएकाे छ ।