इलाम क्षेत्र नं. २ मा सुहाङ नेम्वाङले ४ हजार मतको अग्रता लिएका छन् ।

अहिले सम्मकाे गणनामा सुहाङको मत ११ हजार ६१९ पुगेर पहिलाे स्थानमा छन् भने दोस्रो स्थानमा नेपाली कांग्रेसका डम्बर खड्का र पहिचानवादी उम्मेदवार डकेन्द्र थेगिमको टक्कर देखिएको छ ।

खड्काले ७ हजार ६५९ मत पाउँदा डकेन्द्रले ७ हजार ४५२ मत पाएका छन् । तेस्रो स्थानमा रहेका डकेन्द्र डम्बरभन्दा २०७ मतले मात्र पछाडि छन् । 

रास्वपाका मिलन लिम्बुले १५९६ मत पाएका छन् ।

इलाम २ मा अहिले माई नगरपालिकाको ६, ७ र ८ वडाको मतगणना जारी छ ।