अखिल नेपाल फुटबल संघ (एन्फा) का उपाध्यक्ष दावा लामा पक्राउ परेका छन् । उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।

लागुऔषध खैरो हिरोइन कारोबार मुद्दामा पाटन उच्च अदालतबाट पाँच वर्षको कैद सजाय तोकिएका लामा पक्राउ परेका हुन् ।

तत्कालीन पुनरावेदन अदालत पाटनले लामालाई २०६४ जेठ २० गते लागुऔषध खैरो हेरोइन कारोबारमा पाँच वर्ष कैद र ५ हजार रुपैयाँ जरिबाना हुने फैसला सुनाएको थियो । अदालतको फैसलापछि उनी फरार थिए ।