मलेसिया दूतावास,काठमाडौंले स्टडी प्लस प्रा.लि. र जोम नेपालको सहकार्यमा आयोजना गर्न लागेको मलेसिया कार्निवल २०२५ मङ्सिर १३ र १४ (बि.स. २०८२) मा बौद्ध इन्टरनेशनल स्कूल, अत्तरखेलमा हुने भएको छ ।

यस कर्निवलले मलेसियाको सांस्कृतिक विविधता, पर्यटन अवसर र व्यापारिक सम्भावनाहरू नेपालको दर्शकवर्गबीच परिचय गराउन मुख्य उद्देश्य लिएको छ ।

कर्निवलमा मलेसियाका परम्परागत तथा आधुनिक स्वादका नास्ता परिकारहरूको प्रदर्शनीका साथसाथै यात्रा प्याकेजहरू, हस्तकला प्रदर्शनी, शैक्षिक स्टल, इलेक्ट्रोनिक्स र ग्याजेट्सको प्रदर्शनी हुन गैरहेको छ ।

यस कार्निवलमा युवा सहभागी वर्गलाई आकर्षित गर्न रोचक खेलकुद प्रतियोगिताहरू पनि समावेश गरिएको छ । जसमा निम्नलिखित खेलकुद कार्येक्रम रहेको छन् ;

• पहिलो हाई स्कूल बास्केटबल कप २०८२ (महिला टोली) – मंगसिर १३ र १४
• पहिलो हाई स्कूल फूटसल कप २०८२ (पुरुष टोली) – मंगसिर १३ र १४
• पहिलो भेटेरन बास्केटबल कप २०८२ (पुरुष टोली) – मंगसिर १३ र १४

यस कर्निवलको उद्देश्य नेपालका अधिक पर्यटकहरूलाई मलेसिया भ्रमण गर्न प्रोत्साहित गर्नु हो, जसका लागि विजिट मलेसिया २०२६ अभियान हुन गैरहेको छ । २०२६ मा विजिट मलेसिया मनाउनको लागि तयारी गर्दै, कार्निवलमा विशेष यात्रा प्याकेजहरू र अफरहरु पनि प्रदान गरिदै छ जसले नेपाली यात्रुहरूबीचमा बढि चासो उत्पन्न गर्न मद्दत गर्नेछ ।

यस कार्यक्रमले दुई दिनमा ३,००० भन्दा बढी आगन्तुकहरूलाई आकर्षित गर्ने अपेक्षा गरिएको छ । जसमा प्रतिष्ठित विद्यालय र कलेजका विद्यार्थीहरू, अभिभावकहरू र कर्पोरेट क्षेत्रका प्रतिनिधिहरू समावेश हुनेछन् जसले गर्दा एक अर्कामा सम्बन्ध विस्तार गर्ने अवसर मिल्नेछ ।

आयोजकहरूले थप जानकारी र सहभागिताका लागि मलेसिया दूतावास, काठमाडौं तथा आयोजना समन्वयकर्ताहरूको आधिकारिक सूचनालाई अनुगमन गर्न अनुरोध गरेका छन् ।