श्रावण १२, इस्लामाबाद खराब मौसम भएको बेला बुधवार पाकिस्तानको इस्लामाबादको नजिकै रहेको घना जङ्गल भएको मरगल्ला हिल्समा ठोकिएर एक पाकिस्तानी यात्रु विमान दुर्घटनाग्रस्त भएको छ । जसमा १६० जना यात्रुहरू रहेका थिए । अधिकारीहरूले सबैजना यात्रुको मृत्यु भएको आशंका गरेका छन् । निजी एयरलाइंस एयर ब्लू को विमान एयरबस ए-३२१ बुधवार विहान करिव दस बजे मरगला हिल्सको दामन-ए-कोह नजिकै दुर्घटनाग्रस्त भएको थियो । त्यति वेला त्याहाँ धेरै कुहिरो लागिरहेको थियो । विमान टर्की बाट कराँचीको बाटो हुँदै इस्लामाबाद जाँदै थियो । प्रहरीहरूका अनुसार दुर्गम पहाडी क्षेत्रमा भएको दुर्घटनाग्रस्त विमानको वरिपरि शवहरू छरिएका छन् । आन्तरिक मन्त्री रहमान मलिकका अनुसार १० जना मारिएको पुष्टि भएको छ । खराब मौसमका कारण उद्दार कार्यमा बाधा पुगिरहेको छ । घाइतेहरूलाइ हेलिकप्टरको सहायताले अस्पताल पुर्याइएको छ । विमानमा भएका अन्य व्यक्तिको जिवित रहने सम्भावना कम रहेको बताइएको छ । गत केही दिनदेखि इस्लामाबादमा भारी बर्षा भैरहेको छ भने शहरको आसपास क्षेत्रमा कुहिरो लागेको छ । टिभि च्यानलहरूका अनुसार उक्त विमान ७ बजेर ५० मिनेटमा उडेको थियो । विमानमा १५९ यात्रु रहेको र चालक दलका सदस्यहरूको भने संख्या स्पष्ट नभएको बताइएको छ । नागरिक उड्डयन प्राधिकरणको एक सूत्रले यस कुरामा आश्चर्य व्यक्त गरेका छन् कि खराब मौसमको बेलामा उक्त विमानलाइ इस्लामाबाद उत्रने अनुमती दिइएको थियो ।