श्रावण १२, दूरसञ्चार सेवा प्रदायक कम्पनी स्पाइस नेपालले अबदेखि कुनै पनि नेटवर्कमा फोन गर्दा लाग्ने शुल्कमा भारी कटौती गरेको छ । एनसेलबाट अन्य नेटवर्कमा टेलिफोन गर्दा अब प्रतिमिनेट १ रुपैयाँ ९९ पैसा लाग्नेछ । यसअघि एनसेलबाट अर्को कम्पनीको नेटवर्कमा फोन गर्दा २ रुपैयाँ १४ पैसादेखि २ रुपैयाँ ८३ पैसासम्म तिर्नु पर्दथ्यो । यो शुल्क करबाहकेका हुन् । एनसेलका कार्यकारी अधिकृत पासी कोइस्तीनेनले कम्पनी सधैं दूरसञ्चार सेवा सहज र सस्तो बनाएर उपभोक्तालाई फाइदा दिने योजनामा लागेको र नयाँ शुल्क कायम गरेर त्यो प्रमाणित भएको टिप्पणी गरे । एनसेलमा युरोपको प्रमुख दूरसञ्चार कम्पनी टेलियसोनेराको स्वामित्व छ । एनसेलले केही महिनादेखि नयाँ योजना सार्वजनिक गरिरहेको छ । यसै अन्तर्गत यो शुल्कमा छुट दिइएको हो । एनसेलको नयाँ शुल्कले अरू सेवा प्रदायक कम्पनीहरूलाई पनि शुल्क कटौतीमा दबाब पर्ने विज्ञहरूको भनाई छ । नयाँ सस्तो शुल्कमा फोन परिवर्तन गर्नका लागि मोबाइलका उपभोक्ताले एसएमएसमा एसएजेआईएलओ (सजिलो) लेखेर ३०२ मा पठाउनु पर्नेछ ।