कस्ने कोसिस गरेको छु ।
तर मन कसिन सकेन
मायाको पोको
खुस्किइ नै रह्यो । खुस्किइ नै रह्यो ।
मलाई पनि अभिलाषाका
मृगतृष्णाहरू मेट्ने धोको थियो
अतृप्त चाहनाहरूलाई
तृप्त पार्ने आकांक्षा थियो
त्यसैले आज म जापानमा
एउटा लंगडो बाघ झैं
केबल नजिकैको आहारा
जोगाउने कोसिसमा लागेको छु ।
मेरो मन उनको लामो कपालमा अल्भिmयो
मेरो आँखा उनको हँसिलो
मुहारमा बस्दियो
अब मनलाई
कसैले अलग्याउन सक्दैन
यो त फलाममा चुम्बक झैं टाँसिएको छ
मेरो मन मात्रै होइन
तनसमेत उनीभित्र गाडिएको छ ।
जापानमा मैले आफूलाई
एक्लो सम्झेको थिएँ
तर अब कतै मन बसिसकेको छ
अनगिन्ती रिमझिमहरूमाझ
सोझा सडकहरू र राम्रा गाडीहरूमाझ
अग्लिँदो महँगी र अनिकालहरूमाझ
जापानमा मेरो मन गाडिइसकेको छ ।