बेइजिङ , ११ जनवरी / चीन विश्वको सबैभन्दा ठूलो निर्यातक राष्ट्र बनेको छ । डिसेम्बर महिनाको निर्यात व्यापार बढेपछि चीन अहिलेसम्मको सबैभन्दा ठूलो निर्यातक राष्ट्र बनेको हो । यसअघि जर्मनी विश्वको सबैभन्दा ठूलो निर्यातक राष्ट्र रहेको थियो ।

सन् २००९ को डिसेम्बरमा चीनको निर्यात अघिल्लो वर्षको सोही महिनाको तुलनामा १७.७ प्रतिशत वृद्धि भएको चिनियाँ समाचार संस्था सिन्ह्वाले जनाएको छ । सन् २००९ मा चीनको कुल निर्यात १२ खर्ब अमेरिकी डलरभन्दा बढी छ ।